هوريكم دلوقتي صوره لموئه وهو صغنون تحفه كانت خالتو هبه عملهالوا ومألفه فيها نشيد يجننننننننننننننننن علشانه ان شاء الله هحفظهولوا علشان يغنيه مع اغنياته .......

بركولي بركولي بركولي ...................ليه بقى ؟؟؟؟؟؟؟؟؟

علشان النهاردا مؤمن اتعلم حركه جديده .اول ما تسقفله يبدأ يعمل حركه كدا كأنه بيرقص ........ويضحك وسنتينه اللي تحت باينين شكله يجنن.......
لا ومسمعتوش الغنى بقى .......كروان بيغني يجننننننننننن ماشاء الله عليه

يا سلام لو تسمعو اغنيته الشهيرا باااااااااااباااااااااااباااااااااهههههههه غااااااا تتتتتا

مش بقلكم كروان

عارفين انا نفس ي في ايه ؟؟؟؟؟؟؟؟؟؟؟ نفسي انه يقعد لوحده .......اصل هو متأخر جدا عن اللي في سنه \,هو دلوقتي بيقعد شويه ويقع ....نفسي يقعد لوحده ويزحف انا عارفه انه هيجنني ( اذا كان انا مش عارفه اكتب منه عمال يزق الكي بورد برجليه )بس مش مشكله
استنوني هجبلكم كل جديد قريب ماما مؤمن

ياسلام على التناكه والسرحان ..قال يعني بيعرف يقعد لوحده

قمر يا نااااااس

من يومين تقريبا مؤمن ومامته وخالته كانوا عندنا ..قضينا يومين حلوين ياعالم هنقضي زيهم تاني امتى..مؤمن بدّع فيهم ..واكلناه بيتزا وشربناه مانجا ..الواد ده لو جاله تلبك معوي هيبقى احنا السبب

بتخيل ان شاء الله بعد 20 سنه كده وللا حاجه لما يبقى هو عنده 20 سنه ونقعد نفرجه على صورة وهو صغير وطبعا هنذله بشويى صور كده تحت البلاطه ..هتبقى ذكرى حلوة زي مادلوقتي بنقعد نتفرج على صورنا زمان ونضحك ..بس احنا على ايامنا لما كنا نتصور فيديو كان يبقى هَنَا ..دلوقتي البهوات الجداد بقوا بيتصوروا فيديوا وديجيتال ويتعملهم مدونات كمان ..جيل بايظ صحيح

عموما دي اخر مره تقريبا هاكتب بقى في المدونه هاقضيها بعد كده صور وفيديوهات ..مامته علبها الكتابه ..لحد ما مؤمن باشا يكبر ويشيلها عننا بقى

جميله اوي الطفوله دي ..وجمال اوي الاطفال خصوصا لما يكون اولاد حد بنحبه

مؤمن ابن بنت خالي ..وأعز صديقه ليا (تثبيت يا بت يامها) ..ومش عارفه انا بحبه عشان هو سكر وللا عشان بحب امه في الاصل

المهم كنت عاوزة اعمله مدونه ليه من فتره ييجي 3شهور كده وللا حاجه بس كانت بتحصل ظروف بتأجلها

لحد ما قرب سفر مؤمن ومامته للسعوديه مع والد مؤمن فقلت لازم اعمل حاجه تبقى دايما قدامي وتخلي مامته تتدخل تحكيلي اخباره اول بأول

طيب اعرفكم عليه بقى

اسمه مؤمن ويارب يبقى مؤمن زي اسمه

عنده 6 شهور وداخل في السابع